ბრიტანეთის დაზვერვის სამსახური ავრცელებს ინფორმაციას რუსეთის მიერ ბელარუსში ჰიპერბგერითი რაკეტა „კინჟალით“ აღჭურვილი ავიაგამანადგურებლების განთავსების შესახებ.
ბრიტანეთმა გამოაქვეყნა მაჩულიშის აეროდრომის თანამგზავრიდან გადაღებული ფოტოები, რომლებზეც „მიგ 31კა“-ს ტიპის გამანადგურებლები და გალავანით გამაგრებული დიდი კონტეინერია აღბეჭდილი. ბრიტანეთის დაზვერვის თანახმად, სავარაუდოდ, მასში რაკეტები ინახება. ბრიტანელები ფიქრობენ, რომ რუსეთის ეს ნაბიჯი არის ერთგვარი სიგნალი დასავლეთისათვის, რომელიც ომში ბელარუსის რუსეთის თანამონაწილედ წარმოჩენას ემსახურება.