გამოცემა BBC-ის ცნობით, დიდ ბრიტანეთში კონსერვატიული პარტიის ლიდერის არჩევნებამდე ბორის ჯონსონმა და რიში სუნაკმა საიდუმლო შეხვედრა გამართეს.
ლიდერის არჩევნებში მონაწილეობისთვის კანდიდატს კონსერვატიული პარტიის სულ მცირე 100 დეპუტატის მხარდაჭერა სჭირდება.
BBC-ის ცნობით, რიში სუნაკს, ვინც ჯონსონის ადმინისტრაციაში ფინანსთა მინისტრი, ხოლო პარტიის ლიდერის წინა არჩევნებში ლიზ ტრასის ოპონენტი იყო, ამ დროისთვის კონსერვატიული პარტიის 128 დეპუტატის მხარდაჭერა აქვს.
ყოფილ პრემიერმინისტრის ბორის ჯონსონისადმი მხარდაჭერა კი ამ დროისთვის საჯაროდ 53-მა დეპუტატმა დააფიქსირა.
გამოცემას ორი ერთმანეთისგან დამოუკიდებელი წყარო უყვება, რომ შეხვედრა გაიმართა, თუმცა საუბრის თემა და დეტალები ამ დროისთვის უცნობია.
არჩევნებში მონაწილეობის მსურველებმა ორშაბათს, ადგილობრივი დროით 14:00 საათამდე უნდა მოიპოვონ ხმების საჭირო რაოდენობა, რათა მომდევნო ეტაპზე გადავიდნენ.
წყარო: BBC