თურქეთის პარლამენტმა მხარი დაუჭირა პრეზიდენტ ერდოღანის მიერ წარდგენილ კანონს, რომლის მიხედვითაც დეზინფორმაციის გავრცელების გამო ჟურნალისტებსა და სოციალური მედიის მომხმარებლებს 3 წლიანი პატიმრობა ემუქრება.
აღნიშნულ კანონპროექტს ოპოზიციონერი დეპუტატები, ევროპული ქვეყნები, ვენეციის კომისია და მედიათავისუფლების დამცველები აკრიტიკებდნენ, რადგან მათი აზრით, კანონი სიტყვის თავისუფლებას საფრთხეს უქმნის.
კანონი საბოლოო დამტკიცებისთვის პრეზიდენტს გადაეგზავნება.