იუსტიციის მინისტრის რატი ბრეგაძის თქმით, უკრაინის მხრიდან სააკაშვილის ექსტრადირების მოთხოვნაზე უარის თქმის საფუძველი არსებობს, თუმცა თუ მკურნალობის მიზნით მისი სასჯელის გადავადებაზე იქნება მიმართვა, ეს საკითხი სასამართლომ უნდა გადაწყვიტოს:
“როდესაც მსგავსი ტიპის მოთხოვნა შემოდის, იქვეა უარის თმის საერთაშორისო შეთანხმებებითა და საქართველოს კანონმდებლობით გათვალისწინებული შესაძლებლობა, იმ შემთხვევაში თუ ქვეყანაში პირის მიმართ სისხლის სამართლის წარმოება მიმდინარეობს. როგორც მოგეხსენებათ, სააკაშვილი არის მსჯავრდებული 2 საქმეზე და დანარჩენ 3 საქმეზე სასამართლო პროცესები მიმდინარეობს. შესაბამისად, თეორიულადაც თუ დავუშვებთ, რომ ოფიციალური მოთხოვნა შემოვა, არის უარის საფუძველი”, – თქვა ბრეგაძემ.