თბილისის საერთაშორისო აეროპორტში სარემონტო სამუშაოების დროს ახალგაზრდა მამაკაცი დაიღუპა.
დაღუპული Black Sea Group-ის თანამშრომელი იყო, რომელიც აეროპორტში სამიმოსვლო ბილიკებისა და ასაფრენი ზოლის რეაბილიტაციის სამუშაოებს აწარმოებს. გავრცელებული ინფორმაციით, მას სარემონტო სამუშაოების დროს, სატვირთო მანქანა დაეჯახა. ის 36 წლის იყო.
როგორც შსს-ში აცხადებენ, გამოძიება საქართველოს სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.