ოკუპანტების ტყვეობიდან 215 უკრაინელი სამხედრო გათავისუფლდა, – აღნიშნულის შესახებ ინფორმაციას “უნიანი” ავრცელებს.
როგორც მედია წერს, რუსეთის ტყვეობიდან გამოყვანილ 215 პატიმარს შორის, 200 დამცველი პრორუს ოლიგარქზე, პუტინის ნათლია ვიქტორ მედვედჩუკზე და რუსეთის 50 მოქალაქეზე გაცვალეს.
რუსეთის მიერ გათავისუფლებულთა შორისაა პოლკ „აზოვის“ 108 მებრძოლი. ასევე, ეროვნული გვარდიის, სასაზღვრო სამსახურს და პოლიციის წარმომადგენლები და მედიკოსები. უკრაინის პრეზიდენტის ოფისის ხელმძღვანელის, ანდრი ერმაკის ინფორმაციით, გათავისუფლებულებს შორის 124 ოფიცერია.
კერძოდ, რუსეთის ტყვეობიდან გაათავისუფლეს ეროვნული გვარდიის 118 სამხედრო მოსამსახურე, 9 პოლიციელი და 9 მესაზღვრე. გათავისუფლებულთა შორის ასევე არის 10 უცხოელი, რომლებიც უკრაინისთვის იბრძოდნენ და მათ რუსები სიკვდილით დაემუქრნენ.
შეგიძლიათ იხილოთ გათავისუფლებული მებრძოლების სია.
