კიკეთში სროლის შედეგად რამდენიმე პირი დაიჭრა, მათგან ერთი, გარდაიცვალა. დამატებითი დეტალები ამ დროისთვის უცნობია.
არსებული ინფორმაციით, შინაგან საქმეთა სამინისტრომ მკვლელობისა და დაჭრის ფაქტებზე გამოძიება ორი მუხლით, სისხლის სამართლის კოდექსის 19-109-ე და 236- ე მუხლებით დაიწყო, რაც ორი ან ორზე მეტი პირის მიმართ დამამძიმებელ გარემოებებში ჩადენილ განზრახ მკვლელობის მცდელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.
როგორც IPN-ს შსს-ში განუცხადეს, სამართალდამცველებმა დანაშაულის ჩამდენი ერთი პირის იდენტიფიცირება მოახდინეს და მის დასაკავებლად აქტიური საგამოძიებო ღონისძიებები მიმდინარეობს.
კიკეთში მომხდარი სროლისას დაჭრილებს შორის ორი ქალია, ისინი თბილისში, ნიუ ჰოსპიტალსის“ კლინიკაში გადაიყვანეს.