გაერთიანებული სამეფოს დაზვერვის სამსახურის ინფორმაციით, რუსეთმა, სავარაუდოდ, ოკუპირებული ხარკოვის ოლქიდან საკუთარი ქვედანაყოფების გაყვანის ბრძანება გასცა. როგორც დიდი ბტიტანეთის თავდაცვის სამინისტროს Twitter-ის გვერდზე გამოქვეყნებულ ინფორმაციაშია აღნიშნული, არსებული ვითარების ფონზე, რუსეთის სამხედრო ხელმძღვანელობის მიმართ ჯარისკაცების ნდობა კიდევ უფრო გაუარესდება.
“უკრაინის სწრაფი წარმატება რუსეთის გეგმაზე მნიშვნელოვან გავლენას ახდენს. უკრაინაში განლაგებული ძალების დიდი ნაწილი იძულებულია, პრიორიტეტი საგანგებო თავდაცვით მოქმედებებს მიანიჭოს”, – აღნიშნულია ინფორმაციაში.