აშშ-ის სამხედრო დახმარების ახალ პაკეტში გათვალისწინებული NASAMS-ის საზენიტო-სარაკეტო სისტემების საბრძოლო მასალა, უკრაინას თავად სისტემებთან ერთად გადაეცემა. ამის შესახებ ამერიკის თავდაცვის მდივნის მოადგილე კოლინ კალი აცხადებს.
“ამ პაკეტში არ შედის NASAMS, შედის AMRAAM-ის რაკეტები. ვემზადებით, რომ უკრაინას თვითონ NASAMS-ები მივაწოდოთ”, – აღნიშნა კალმა ბრიფინგზე.
პაკეტი უკრაინისთვის 1 მილიარდი დოლარის ოდენობის სამხედრო დახმარებას ითვალისწინებს.