ნასას მეცნიერები ამბობენ, რომ ტონგას ვულკანის ჰუნგა ტონგა-ჰუნგა ჰააპაის ამოფრქვევამ უპრეცედენტო რაოდენობით წყალი პირდაპირ სტრატოსფეროში გაუშვა – და ორთქლი იქ წლების განმავლობაში დარჩება, რაც სავარაუდოდ იმოქმედებს დედამიწის კლიმატზე.
მეცნიერები აცხადებენ, რომ წყლის ორთქლის მასიური რაოდენობა არის სტრატოსფეროში არსებული ორთქლის ნორმალური რაოდენობის დაახლოებით 10%, რაც უდრის 58000-ზე მეტ ოლიმპიური ზომის საცურაო აუზს.
”ჩვენ არასდროს გვინახავს მსგავსი რამ”, – ამბობენ NASA-ს მეცნიერები.