ამერიკული ავიამზიდი “რონალდ რეიგანი” ტაივანისკენ დაიძრა, – აღნიშნულის შესახებ ინფორმაციას BBC-ი ავრცელებს.
მისივე ცნობით, ეს არის დაგეგმილი პატრულირების ოპერაცია, რომელიც ინდო-წყნარი ოკეანის მხარდასაჭერად ხორციელდება.
”რონალდ რეიგანი” და მისი დამრტყმელი ჯგუფი მიემართებიან ფილიპინების ზღვაში და განაგრძობენ დაგეგმილ ოპერაციებს, როგორც რუტინული პატრულირების ნაწილს თავისუფალი და ღია ინდო-წყნარი ოკეანის მხარდასაჭერად”, – თქვა ხუთშაბათს საზღვაო ძალების წარმომადგენელმა.
ცნობისთვის, ტაივანში აშშ-ის წარმომადგენელთა პალატის სპიკერის, ნენსი პელოსის ვიზიტის შემდეგ, ჩინეთმა ტაივანის გარშემო მასშტაბური სამხედრო-საზღვაო წვრთნები დაიწყო.
შეგახსენებთ, პელოსის ვიზიტმა ჩინეთის აღშფოთება გამოიწვია. ტაივანს პეკინი თავის სუვერენულ ტერიტორიად მიიჩნევს, რის გამოც სი ძინპინის მთავრობამ ვაშინგტონი ორჯერ გააფრთხილა, რომ პელოსის იქ ვიზიტს მძიმე შედეგები მოჰყვება.