მარნეულში უბედური შემთხვევა მოხდა. არსებული ინფორმაციით, საკანალიზაციო ჭაში 2 პირი ჩავარდა.
გავრცელებული ცნობით, მუშა, რომელიც ერთ-ერთი სახლის ეზოში არსებული კანალიზაციის ჭას ასუფთავებდა, ჭაში ჩავიდა და ამოსვლა ვეღარ შეძლო, სახლის მეპატრონე კი მისი გადარჩენის მიზნით ჩავიდა, თუმცა ამოსვლა ვერც მან მოახერხა.
ისინი ჭიდან უგონო მდგომარეობაში ამოიყვანეს. ორივე გარდაცვლილი შუახნის მამაკაცია და ორივე მათგანი საავადმყოფოში მიყვანისას გარდაიცვალა.