უკრაინაში ომის დაწყების შემდეგ, რუსეთის მოქალაქეების მიერ საქართველოს საზღვრის კვეთის მაჩვენებელი ყოველთვიურად იზრდება და ივნისში ბოლო ორი წლის მაქსიმუმს მიაღწია.
შსს-ს მონაცემებით, მხოლოდ ივნისში საქართველოს სახელმწიფო საზღვარი რუსეთის 135 457-მა მოქალაქემ გადმოკვეთა, რაც გასული წლის ანალოგიურ პერიოდთან შედარებით 340%-ით მაღალი მაჩვენებელია.
ივნისის მონაცემებით, რუსეთი საქართველოს საზღვრის გადმოკვეთის სტატისტიკაში პირველ პოზიციაზეა, შემდეგ მოდის სომხეთი, თურქეთი, ევროკავშირის ქვეყნები, ისრაელი, უკრაინა და ყაზახეთი.