“ქართული ოცნების” დეპუტატმა ვასილ ჩიგოგიძემ “მეტრონომთან” საუბრისას “მთავარი” არხის დამფუძნებლის ნიკა გვარამიას დაკავების თემის კომენტირებისას განაცხადა, რომ თუ არ იქნებოდა დანაშაული ჩადენილი, არც სასამართლოს განაჩენი დადგებოდა.
“ვინ ოპონენტები აფასებენ[რომ ნიკა გვარამიას დაკავება თავისუფალ მედიაზე თავდასხმაა?!], სასამართლომ განაჩენი გამოიტანა, რა კითვებს მისვამ, ვერ გავიგე. თუ არ ჰქონდა დანაშაული, სასამართლო როგორ გამოუტანდა განაჩენს?!”, – განაცხადა ჩიგოგიძემ.
შეგახსენებთ, რომ ნიკა გვარამიას სასამართლომ 3 წლითა და 6 თვით პატიმრობა შეუფარდა. ცნობისთვის, ნიკა გვარამიას პროკურატურა ედავება ჯერ კიდევ “რუსთავი 2”-ის დირექტორობის დროს, სამაუწყებლო კომპანიის “კანონიერი ინტერესების საწინააღმდეგოდ უფლებამოსილების ბოროტად გამოყენებასა და მისი კუთვნილი დიდი ოდენობით თანხის სამსახურებრივი მდგომარეობით გამოყენებას”.