უკრაინაში რუსეთის შეჭრის დაწყების დღიდან უკრაინელმა სამხედროებმა 26 900 რუსი ჯარისკაცი მოკლეს. აღნიშნულის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.
მათივე ცნობით, 13 მაისის მდგომარეობით, განადგურებულია რუსეთის 1205 ტანკი, 2900- ჯავშანტექნიკა, 542 – საარტილერიო სისტემა, 193-სარაკეტო სისტემა, 88 – ჰაერსაწინააღმდეგო თავდაცვის სისტემა, 200 – თვითმფრინავი, 162- ვერტმფრენი, 2042 – საავტომობილო ტექნიკა და საწვავის ავზი, 13- გემი/კატერი, 405 – ოპერატიულ-ტაქტიკური უპილოტო საფრენი აპარატი, 41 – სპეციალური აღჭურვილობა.