[su_quote]ეს არის იმ ალოგიკური გადაწყვეტილებებისა და ნაბიჯების გაგრძელება, რომლებიც ვიხილეთ უახლოეს წარსულში, მათ შორის, ელჩის გაწვევის სახით. ამ ყველაფერს აქვს ერთი მარტივი მიზეზი – ადამიანები, რომლებიც აქ არიან რადიკალურ ოპოზიციაში, იქ წარმოადგენენ ხელისუფლების ნაწილს. იგივე სააკაშვილი, ადეიშვილი, ლორთქიფანიძე და სხვები. რაც შეეხება კონკრეტულ ბრალდებას, ეს არის ძალიან მძიმე მოვლენა. სამწუხაროა, რომ ხელისუფლებებს შორის მეგობრობა არის ცალმხრივი, თუმცა ჩვენ მზად ვართ, ეს ცალმხრივი მეგობრობა გავაგრძელოთ, რათა მაქსიმალურად შევუწყოთ ხელი უკრაინელი ხალხის, მეგობრების, ქვეყნის და სახელმწიფოს ინტერესების რეალიზებას[/su_quote]
Imedinews-ის ინფორმაციით, ამის შესახებ პარტია “ქართული ოცნების” თავმჯდომარემ, ირაკლი კობახიძე უკრაინის თავდაცვის სამინისტროს დაზვერვის მთავარი სამმართველოს ინფორმაციას კომენტირებისას განაცხადა იმის შესახებ, რომ საქართველოს მთავრობა რუსეთს სანქცირებული კონტრაბანდის შეტანაზე შეუთანხმდა.