უკრაინულმა დაზვერვამ მოიპოვა და გაასაჯაროვა 64-ე მოტომსროლელი ბრიგადის რუსი ჯარისკაცების სია, რომლებმაც უკრაინელი ხალხის წინააღმდეგ კიევის რეგიონის ქალაქ ბუჩაში სამხედრო დანაშაულები ჩაიდინეს.
დეპარტამენტში ხაზგასმით აღნიშნეს, რომ ყველა უკრაინელი ვალდებულია იცოდეს მათი სახელები.
ენერგეტიკის დეპარტამენტი ირწმუნება, რომ ყველა ომის დამნაშავე პასუხს აგებს უკრაინის მშვიდობიანი მოსახლეობის წინააღმდეგ ჩადენილი დანაშაულებისთვის.
რუსი დამპყრობლების სია, რომლებმაც ბუჩაში უკრაინელი ხალხის მიმართ სისასტიკეს ჩაიდინეს, შეგიძლიათ იხილოთ ბმულზე .
ცნობისთვის, უკრაინის ქალაქ ბუჩაში, რომელიც რუს ოკუპანტებს ჰქონდათ ოკუპირებული შემზარავი ფაქტები დაფიქსირდა, როგორიცაა: ადამიანების დახვრეტა, წამება და არაადამიანური მოპყრობა.
უკრაინელმა დამცველებმა იპოვეს მასობრივი საფლავი, რომელშიც 280-ზე მეტი მშვიდობიანი მოსახლის ცხედარი იყო ძალადობრივი სიკვდილის ნიშნებით.
საერთაშორისო საზოგადოება მიიჩნევს, რომ რუსეთმა ბუჩაში ომის დანაშაულები ჩაიდინა, რომელზეც პასუხი უნდა აგოს.
კრემლში ბრალდებებს უარყოფენ და აცხადებენ, რომ ხსენებული ფაქტები მონტაჟია.