რამდენიმე საათი გავიდა მას შემდეგ, რაც რუსეთის მიერ დაწესებული ულტიმატუმის ვადა ამოიწურა. ალყაში მოქცეული საპორტო ქალაქი მარიუპოლი დანებებას არ აპირებს. ქალაქში, სავარაუდოდ, 300 000 ადამიანია მცირე მარაგებით.
რა თქვა რუსეთმა?
რუსმა სამხედროებმა უკრაინას ორშაბათს მოსკოვის დროით 05:00 საათამდე (GMT 02:00) მისცეს ვადა, რომ გამოეცხადებინა ქალაქის ჩაბარება და პირობა დადო, რომ სანაცვლოდ ის დაიცავს ორ ჰუმანიტარულ დერეფანს მშვიდობიანი მოსახლეობისთვის ქალაქიდან გასასვლელად.
როგორ უპასუხა უკრაინამ?
უკრაინამ უარყო ულტიმატუმი – „არავითარი ჩაბარების და იარაღის დაყრის საკითხი არ შეიძლება განვიხილოთ“, – ციტირებს ქვეყნის ვიცე-პრემიერს საინფორმაციო გამოცემა “პრავდა“.
BBC-სთან საუბრისას ქალაქის მერის მრჩეველმა განაცხადა, რომ რუსეთის დაპირებების ნდობა არ შეიძლება და მარიუპოლის დამცველები ბოლო ჯარისკაცამდე იბრძოლებენ.
რა შეიძლება მოხდეს ახლა?
მოსკოვს არ დაუკონკრეტებია, რას გააკეთებდნენ მისი ჯარები, რომლებიც ალყაში აქცევდნენ ქალაქს, თუ ულტიმატუმი უარყოფილი იქნებოდა.
ცნობისთვის, უკრაინის ქალაქი მარიუპოლი EU-ს უკანასკნელმა დიპლომატმაც დატოვა.