aviabiletebi
ახალი ამბები მთავარი ჯანდაცვა

რას უკავშირდება სასწრაფო დახმარების საგანგებო რეჟიმზე გადასვლა?

aviabiletebi
ავიაბილეთები

შრომის, ჯანმრთელობისა და სოციალური დაცვის მინისტრმა დავით სერგეენკომ დღეს სამინისტროში გამართულ თათბირზე განაცხადა, რომ სასწრაფო სამედიცინო დახმარების სამსახური საგანგებო მუშაობის რეჟიმზე გადადის.

დავით სერგეენკომ სამსახურების ხელმძღვანელ პირებს მოუწოდა, თავიანთი სამსახურეობრივი ავტომობილები გახშირებული გამოძახებებისთვის გამოიყენონ:

“ვაძლიერებთ თბილისის სასწრაფო დახმარების სამსახურს. მივამაგრებთ დამატებით მანქანებს. იგივე ეხება რაიონულ სასწრაფოს. სამსახურებრივი მოხმარების მანქანები უნდა გადამისამართდეს, მეც მზად ვარ, რითიც დავდივარ, ჩემი მანქანა გადავამისამართო ამ საქმეზე, რომ ოჯახის ექიმებმა დაიწყონ სიარული მაღალი ტემპერატურის დროს გამოძახებებზე და არ გაუშვან ასეთ გამოძახებაზე აკივლებული სასწრაფოები, როდესაც ამ დროს კაცი კვდება სადღაც. ცხელების გამოძახებები, რომლებიც არის არა რისკ-ჯგუფის პაციენტში, ამაზე სასწრაფო ბრიგადა არ უნდა გავიდეს. არამედ უნდა გავიდეს მსუბუქი პატარა მანქანა, რომელშიც იქნება ოჯახის ექიმი. თბილისის სასწრაფოს მიმართ მაქვს რეკომენდაციები და ბრძანება, ასევე რაიონული სასწრაფოს მიმართ, მენეჯერები ცოტა ხნით ჩამოვიდნენ თავიანთი მანქანებიდან. მათ საზოგადოებრივი ტრანსპორტით ან ტაქსით იარონ, ყველას აქვთ საკმარისი ხელფასი ამისთვის და ეს მანქანები გამოიყენეთ ამ კატეგორიის გამოძახებებზე. ასეთ შემთხვევებზე გავიდეს სწორედ ეს მანქანები”, – განაცხადა სერგეენკომ.

ჯანდაცვის მინისტრის თათბირს უწყების სხვადასხვა სამსახურებისა და დეპარტამენტების, ასევე სასწრაფო სამედიცინო დახმარების სამსახურის ხელმძღვანელი პირები ესწრებოდნენ.

არ არის გამორიცხული, სასწრაფო დახმარების საგანგებო რეჟიმში გადაყვანა და ზოგადად, მინისტრის მიერ სხდომის დანიშვნა, ბოლო დროს საქართველოში ძლიერი გრიპების გავრცელებას უკავშირდებოდეს.

იტვირთბა....