რუსეთი უკრაინაში პრორუსულად განწყობილი პოლიტიკოსების მმართველებად დანიშვნას გეგმას და მათი ვინაობაც ცნობილია, – აღნიშნულის შესახებ ინფორმაცია დიდი ბრიტანეთის საგარეო საქმეთა სამინისტრომ გაავრცელა.
როგორც სამინისტრო იწყება, ყველაზე პირველი ყოფილი დეპუტატის, ევგენი მურაევის კანდიდატურა განიხილება.
“ჩვენ გვაქვს ინფორმაცია, რომ რუსეთის მთავრობა იმედოვნებს პრორუს ლიდერის დაყენებას კიევში, რადგან განიხილავს უკრაინაში შეჭრისა და ოკუპაციის შესაძლებლობას. პოტენციურ კანდიდატად განიხილება ყოფილი უკრაინელი პარლამენტარი ევგენი მურაევი”, – ნათქვამია პრესრელიზში.
გარდა ამისა, ბრიტანეთის საგარეო საქმეთა სამინისტრომ მიუთითა, რომ მათ აქვთ ინფორმაცია ყოფილი უკრაინელი პოლიტიკოსების შესახებ, რომლებიც კონტაქტს ინარჩუნებენ რუსეთის სპეცსამსახურებთან. მათ შორის იყვნენ 2014 წელს პრემიერ-მინისტრის მოვალეობის შემსრულებელი სერხი არბუზოვი, უკრაინის ყოფილი პრეზიდენტის იანუკოვიჩის შტაბის უფროსი, ანდრეი კლიუევი, უკრაინის ეროვნული უსაფრთხოებისა და თავდაცვის საბჭოს თავმჯდომარის ყოფილი მოადგილე ვოლოდიმირ სივკოვიჩი და იანუკოვიჩის პრემიერ მინისტრი.
“ზოგიერთ მათგანს აქვს კონტაქტები რუს დაზვერვის ოფიცრებთან, რომლებიც ამჟამად მონაწილეობენ უკრაინაზე თავდასხმის დაგეგმვაში“, – დასძინა ბრიტანეთის საგარეო საქმეთა სამინისტრომ.
ვითარებას ასევე გამოეხმაურა ბრიტანეთის საგარეო საქმეთა მინისტრი ელიზაბეტ ტრუსი. მან აღნიშნა, რომ ეს ინფორმაცია ნათელს ჰფენს რუსეთის ფედერაციის საქმიანობის სფეროს, რომელიც ცდილობს ძირი გამოუთხაროს უკრაინაში ვითარებას.
“რუსეთმა უნდა მოახდინოს დეესკალაცია, დაასრულოს აგრესიისა და დეზინფორმაციის კამპანია და მიჰყვეს დიპლომატიის გზას. როგორც დიდმა ბრიტანეთმა და ჩვენმა პარტნიორებმა არაერთხელ განაცხადეს, რუსეთის ნებისმიერი სამხედრო ინტერვენცია უკრაინაში იქნება მთავარი სტრატეგიული შეცდომა, სერიოზული შედეგებით”, – განაცხადა ტრუსმა.
პრესრელიზში ასევე ნათქვამია, რომ დიდი ბრიტანეთის პოზიცია უკრაინაში არსებულ ვითარებასთან დაკავშირებით არ შეცვლილა.