სააკაშვილი დეპრესიაშია, რადგან დაინახა როგორ ააგდეს გოიმივით და ჩამოიყვანეს, – აღნიშნულის შესახებ სოციალურ ქსელში პოლიტოლოგმა და ანალიტიკოსმა, გია ხუხაშვილმა დაწერა.
მისივე თქმით, თუ ვინმემ ისარგებლა და დღემდე სარგებლობს მისი ჩამოსვლით, დაპატიმრებით, ეს ხელისუფლებაა.
„ჩემის აზრით, თუ სააკაშვილი დეპრესიაშია, ამის მთავარი მიზეზი არა მის მიმართ განხორციელებული პოლიტიკური მართლმსაჯულება, ან ციხეში ჯდომა, არამედ დაშვებული ფატალური შეცდომის გაცნობიერებაა.
მან დაინახა, როგორ ააგდეს გოიმივით, ჩამოიყვანეს და თუ ვინმემ ისარგებლა და დღემდე სარგებლობს მისი ჩამოსვლით, დაპატიმრებით, ეს ხელისუფლებაა.
ეს მისთვის, როგორც პოლიტიკოსისთვის უაღრესად მტკივნეულია.
ზუსტად იგივე დაემართა ბადრის. მას ის კი არ აწუხებდა, რომ მის მიმართ დევნა ხორციელდებოდა სახელმწიფო გადატრიალების მუხლით, არამედ ის, თუ ‘გოიმივით’ როგორ წამოიკიდა მიშამ.
ბადრი ბავშვურ შეცდომაზე დარდმა გადაიყოლა.
ამიტომ და არა იმიტომ, რომ ვინმე მას მოკვლას უპირებს, მგონია, რომ სააკაშვილის სიცოცხლესაც რეალური საფრთხე ემუქრება…
ყველაზე ეფექტური მკვლელი საკუთარი გამოუსწორებელი შეცდომაა“, – წერს ხუხაშვილი.
შეგახსენებთ, რომ გუშინ გვიან ღამით მიხეილ სააკაშვილი გორის სამხედრო ჰოსპიტალიდან რუსთავის პენიტენციურ დაწესებულებაში გადაიყვანეს.