aviabiletebi
ახალი ამბები მთავარი პოლიტიკა

სამადაშვილი: პრეზიდენტს სურს, დაიწყოს ინდივიდუალური შეხვედრები და მზად ვარ, ასეთ შეხვედრებში მონაწილეობა მივიღო

aviabiletebi
ავიაბილეთები

სალომე ზურაბიშვილს სურს, დაიწყოს ინდივიდუალური შეხვედრები და მზად ვარ, ასეთ შეხვედრებში მონაწილეობა მივიღო, – ამის შესახებ ოპოზიციონერმა დეპუტატმა სალომე სამადაშვილმა განაცხადა.

მისივე თქმით, იმ შემთხვევაში თუ ქართული ოცნება გადახედავს საკუთარ დამოკიდებულებას, არსებობს თეორიული შანსი, რომ პროცესი ლოგიკურ დასასრულამდე მივიდეს და მხარეებმა შეთანხმებას მიაღწიონ.

“ალბათ, ამ ეტაპზე, მოლოდინებზე საუბარი რთულია, რადგან ქართული ოცნების გზავნილები მოვისმინეთ და ეს განცდას არ მიჩენს, რომ მათ ესმით, ქვეყანაში მწვავე კრიზისის შესახებ და რომ აქედან გამოსვლის გზა არის სწორედ მოლაპარაკებები. ჩემთვის იმედის მომცემია საქართველოს პრეზიდენტის პოზიცია, რომელმაც ხაზგასმით თქვა, რომ არანაირი წინაპირობები არ არსებობს, ეს პროცესი უნდა იყოს ღია და წინაპირობების გარეშე უნდა დაიწყოს. ჩემი განწყობა იგივეა. ვნახეთ, რომ მესამე პრეზიდენტი ინიციატივას პოზიტიურად გამოეხმაურა. იმედი მაქვს, ნაციონალური მოძრაობა წინაპირობების გარეშე მზად არის, ამ პროცესში შემოვიდეს, თუ ეს პროცესი საბოლოოდ შედგება. ამ ეტაპზე, ამ მზაობას ქართული ოცნების მხრიდან ვერ ვხედავ.

ნაციონალური მოძრაობა პრეზიდენტის სასახლეში მოსული არ იყო, მაგრამ მიხეილ სააკაშვილის განცხადება ვნახეთ, რომელმაც მხარდაჭერა გამოუცხადა იმ პროცესს, რომელიც ზურაბიშვილმა დაიწყო. კობახიძის გზავნილები აცდენილია ინ სულისკვეთებას, რომლითაც გუშინ მიღება გაიმართა. თუ ქართული ოცნება საკუთარ დამოკიდებულებას გადახედავს, ალბათ, შანსი არის თეორიული, რომ ამ პროცესმა ლოგიკურ და სასურველ შედეგამდე მიგვიყვანოს. პრეზიდენტს სურს, დაიწყოს ინდივიდუალური შეხვედრები, მზად ვარ, ასეთ შეხვედრებში მონაწილეობა მივიღო. გუშინ ვინც იყო და არ იყო, მზად არიან, ამ შეხვედრებში მონაწილეობა მიიღონ”,- განაცხადა სალომე სამადაშვილმა.

იტვირთბა....