ზოგადად, სახელმწიფოში მოქმედებს კანონი ნებისმიერი მოქალაქის მიმართ. არსებობს კანონი პატიმრობის შესახებ, არსებობს სისხლის საპროცესო კანონმდებლობის შესახებ კანონი და აქედან გამომდინარე, ნებისმიერი პატიმრის მიმართ განხორციელებული იქნება ის ქმედება, რაც უნდა იქნას განხორციელებული ამა თუ იმ პიროვნების შესახებ. ასე რომ, არც გამორჩევა და არც რომელიმე პატიმარზე დისკრიმინაცია არ იქნება განხორციელებული
ამის შესახებ ქართული ოცნების დეპუტატმა რიმა ბერაძემ მეტრონომთან საუბრისას განაცხადა, რითაც გამოეხმაურა საქართველოს მესამე პრეზიდენტის ჯანმრთელობის მდგომარეობიდან გამომდინარე, მიხეილ სააკაშვილის პირადი ექიმის განცხადებას, რომლის მიხედვითაც ექსპრეზიდენტმა 50-დღიანი შიმშილობის შემდგომ რეაბილიტაციის კურსი ციხის გარეთ უნდა გაიაროს.