ქართული ოცნების თავმჯდომარის ირაკლი კობახიძის თქმით, ომბუდსმენმა ფეიკი დასკვნა დადო, რასაც ომბუდსმენის პირდაპირი პასუხისმგებლობა მოყვება
“არიან პოლიტიკურად უკიდურესად მიკერძოებული, ისინი [ თვეების განმავლობაში არ მალავდნენ, მათ შორის საკუთარი საჯარო განცხადებებით, აქედან გამომდინარე ბუნებრივია ნდობის ხარისხი არის ძალიან დაბალი და წინასწარ ადვილად პროგნოზირებადი იყო ეს ე.წ. დასვკნა, რომელიც მათ მოამზადეს.
მათ სინამდვილეში უნდა მოემზადებინათ დასკვნა ე.წ. რიფიდინგთან დაკავშირებით, რაც უკავშირდება შიმშილობის შემდგომ მკურნალობას, ერთი მარტივი მიზეზის გამო, სააკაშვილი აცხადებს, რომ მას აღარააქ პოლიტიკური მოთხოვნა, ის არ შიმშილობს პოლიტიკური მოთხოვნით, მისი ერთადერთი მოთხოვნა არის გადაყვანა სამოქალაქო კლინიკაში, ამ შემთხვევაში ის წყვეტს უკვე შიმშილობას, თუ მას ექნება უზრუნველყოფილი მისი თქმით შიმშილობის შემდგომი სათანადო მკურნალობა.
აქედან გამომდინარე ამ ე.წ. კონსილიუმს უნდა მოემზადებინა დასკვნა არა შიმშილობის მკურნალობასთან დაკავშირებით, არამედ შიმშილობის შემდგომ მკურნალობასთან დაკავშირებით, ეს რომ არ გააკეთა, ეს კიდევ ერთი მარტივი დასტურია მისი პოლიტიკური მიკერძოების, ანუ იმთავითვე ფეიკია ის, რაც გააკეთა ე.წ. კონსილიუმმა.
როდესაც იდება ასეთი ფეიკი დასკვნა, ექიმების მიერ და სახალხო დამცველის მიერ, საბოლოო ჯამში, ამ ეტაპზე ეს არის ერთი მორიგი ფეიკი, მაგრამ წარმოიდგინეთ თუ ამ ფეიკს მოჰყვა გაგრძელება და გაგრძელება არის გადაყვანა სამოქალაქო კლინიკაში და ამას მოჰყვა ის სცენარი, რომლისაც ჩვენ გვეშინია, ამ შემთხვევაში ეს მორიგი ფეიკი ხდება ისეთი რამ, რასაც შეიძლება პირდაპირი პასუხისმგებლობა მოჰყვეს მათ შორის ომბუდსმენის და მათ შორის ექიმების”,- ამბობს კობახიძე.