თბილისის მერის კახა კალაძის თქმით, როგორც კი ქვეყანაში ეპიდემიოლოგიური მდგომარეობა გამოსწორდება და საკოორდინაციო საბჭო ტრანსპორტის ამუშავების გადაწყვეტილებას მიიღებს, თბილისის მერია მზად არის ტრანსპორტის ასამუშავებლად. ამის შესახებ მან რუსთავი 2-ის ეთერში განაცხადა.
“როგორც კი დარგის სპეციალისტები და ეპიდემიოლოგები გვეტყვიან, რომ სიტუაცია მიდის უკეთესობისკენ, გამოსწორებულია ვითარება და მდგომარეობა, ნაკლებია სიკვდილიანობა, ნაკლებია ადამიანების ინფიცირება, რა თქმა უნდა, მაშინვე იქნება ეს გადაწყვეტილება მიღებული.
ზოგადად, ტრანსპორტის გაჩერება მნიშვნელოვანი იყო იმ თვალსაზრისით, რომ მობილობას აგდებს, რაც, ზოგადად, ასეთ რთულ ვითარებაში, ტრანსპორტი გავრცელების უფრო მეტ შესაძლებლობას იძლევა, რაც ძალიან ცუდია”,- ამბობს კალაძე.