სოციალურ ქსელში ვრცელდება ინფორმაცია, რომ თბილისში ავსტრალიელ ტურისტს, შანაე ბრუკს ეძებენ. როგორც მისი მეგობარი წერს, ბრუკი გუშინ მთაწმინდაზე სალაშქროდ იყო.
“ჩვენი მეგობარი, შანაე ბრუკი დაიკარგა მთაწმინდაზე ლაშქრობისას პარასკევს, დღის მეორე ნახევარში. ბოლოს მისგან შემაშფოთებელი ზარი შემოვიდა – თავს ესხმოდნენ და შველას ითხოვდა. მას შემდეგ მისგან არაფერი გვსმენია”, – წერს სოციალურ ქსელში დაკარგული ტურისტის მეგობარი.
საქმეზე დაწყებულია გამოძიება. დაკარგულ ტურისტს ეძებენ მაშველები. ამ ეტაპისთვის სამძებრო სამუშაოებში 100-მდე მეხანძრე-მაშველი არის ჩართული.