ჩვენი ინფორმაციით, ოცნებამ შიდა კვლევები ჩაატარა, რომლითაც აღმოჩნდა, რომ მარტო თბილისში, რეგიონებში აღარ ვსაუბრობ, სადაც მთავარი ფალავანი გამოიყვანეს კალაძის სახით, ოცნება 28%-ზე მეტს ვერ იღებს. ხოდა, გარდაუვლად მოუწევდა ვადამდელის დანიშვნა. გახარიას ფაქტორმაც სრულიად განაიარაღა ოცნება მეოცნებეთა საარჩევნო მხარდაჭერისგან. შიში რომ ოხერია, კი იცით ქართულ პოლიტიკაში. დადებული პირობის უკან წაღება სწორედ ოცნების შიშიმა გამოიწვია, რომ 43%-ს ვერაფრით იღებდნენ
განაცხადა ტელეწამყვანმა ინგა გრიგოლიამ. ქართული ოცნების თავმჯდომარემ ირაკლი კობახიძემ განაცხადა, რომ პარტია შარლ მიშელის დოკუმენტიდან გადის. ასევე ქართული ოცნების კეთილი ნება იქნება რიგგარეშე საპარლამენტო არჩევნების დანიშვნაც. შარლ მიშელის დოკუმენტის თანახმად, იმ შემთხვევაში თუ მმართველი პარტია 43% ვერ აიღებებდა თვითმმართველობის არჩევნებში, ქვეყანაში ვადამდელი საპარლამენტო არჩევნები დაინიშნებოდა.