ახალი ამბები მთავარი საზოგადოება

პრაიდის წევრები შს მინისტრის მოადგილეს შეხვდნენ – ანა სუბელიანი განცხადებას ავრცელებს

თბილისი პრაიდის წევრი, ანა სუბელიანი კვირეულის ორგანიზატორებისა და ხელისუფულების წარმომადგენლების მეორე შეხვედრის შესახებ სოციალურ ქსელში წერს:

“გუშინ შევხვდით შინაგან საქმეთა მინისტრის მოადგილეს და ადამიანის უფლებათა დეპარტამენტს. ამ შეხვედრას ვითხოვდით და ველოდით კვირების განმავლობაში. ყველა მხრიდან რომ ავტეხეთ ამბავი, უცებ გადაწყვიტეს და გაგვაგებინეს, რომ ორ საათში უნდა შევხვედროდით. კონსტრუქციულად და საქმიანად დაიწყო შეხვედრა, გავიარეთ კვირეულის ღონისძიებების უსაფრთხოების საკითხები.
მარშთან დაკავშირებით სრული აბსურდები მოვისმინეთ და კეთილი ინებოს შსს-მ და რაზეც დახურულ კარს მიღმა გვესაუბრებოდნენ, ილაპარაკონ საჯაროდ. პარლამენტში უპასუხოს მინისტრმა კითხვებს მარშთან დაკავშირებულ რისკებსა და მათი აცილების გზებზე. უპახუსოს კითხვებს იმის შესახებ, თუ რას აკეთებენ ძალადობის პრევენციისთვის!

დღეს კი დილიდან ცდილობენ იმის დემონსტრირებას, რომ მოქმედებები დაიწყეს ღონისძიების დასაცავად. ჩვენც ყველანაირად ვუწყობთ ხელს. დილიდან მოხდა შეთანხმება იმასთან დაკავშირებით, რომ კონკრეტულ ლოკაციაზევე შეხვდებოდათ მათ ჩვენი წარმომადგენელი და თან ეყოლებოდა ღონისძიების დაცვის უფროსი. შეთანხმების მიღწევის შემდეგ ლამის საათში ერთხელ გვწერს კომუნიკაციის შუამავალი პირი და გვეუბნება, რომ შეთანხმება ვერ მოხდა, ვრეკავ წრეზე ისევ ჩვენს წარმომადგენელთან და ადამიანის უფლებათა დეპარტამენტის უფროსთან, მეუბნებიან, რომ თურმე ახლა შეთანხმდნენ.

მერე ისევ მომდის პრეტენზიები, არ გვაძლევენ დაცვის ნომერსო. ვურეკავ ისევ ადამიანის უფლებათა დაცვის დეპარტამენტის უფროსთან, რა ხდება მეთქი. დაცვის ნომერი გვინდაო, მეუბნება, როცა ერთი საათია შეხვედრამდე დარჩენილი. არ აკმაყოფილებს ის, რომ ორგანიზატორთან ერთად შეხვდება ჩვენსავე დაცვას და უნდა, რომ ამ დაცვასთან რაღაცის დალაგება სცადოს ჩვენს გარეშე. მოკლედ, ეს სიგიჟე რომ არ გაუვიდა, ფორმალურად დამთანხმდა, კარგი შეხვედრას დაველოდოთო და მერე აქეთ გადაგვაგდო, გაქრა კომუნიკაციიდან და ელჩებს მოატყუა, არ გვეთანამშრომლებიან და ადგილზე არ გვიშვებენ და აბა ეგრე როგორ დავიცაცთო.

ბიჭო აი ჩემ თავზე ვგიჟდები რა, მაინც რო მაქვს ხოლმე ადამიანობის იმედი, გულწრფელი კეთილგანწყობით რო ვიწყებ მაინც კომუნიკაცია და მგონია, ხოლმე რო ადამიანურ დამოკიდებულებას დააფასებენ. თვალებში როგორ ჩამხედავს ეს კაცი ამხელა გაიძვერობის შემდეგ და “კონსტრუქციულად” როგორ მომიჯდება მოლაპარაკების მაგიდასთან, არ ვიცი მართლა”, – წერს სუბელიანი.

პირველიდან 5 ივლისის ჩათვლით პრაიდის კვირეული გაიმართება, ხოლო 5 ივლისს რუსთაველის გამზირზე ლგბტქ აქტივისტები და სხვა მხარდამჭერები შეიკრიბებიან.

პრაიდის ჩატარებას გამოეხმაურა ერის დამფუძნებელი ლევან ვასაძე. მან ხელისუფლებას კონკრეტული ვადა მისცა, რათა არ დაუშვას ღონისძიების ჩატარება.

პრაიდის ჩატარებას გამოეხმაურა ქართული ოცნების თავმჯდომარე ირაკლი კობახიძე. მისი თქმით, “სრული კონტექსტის გათვალისწინებით, ამ ადამიანებს უარი უნდა ეთქვათ ღონისძიების ჩატარებაზე”.

ამავდროულად, საპატრიარქომ 16 ივლისს ლევან ვასაძის კონგრესიდან ჰომოფობიური ქადაგება გაავრცელა. 

ამასთან, რადიკალური დაჯგუფების წევრები აცხადებენ, რომ ლგბტ თემს მარშის ჩატარების საშუალებას არ მისცემენ.

“საყოველთაო მობილიზებას ვაცხადებ. დავიკავებთ მთელი რუსთაველის პროსპექტს. არ დარჩება ლოკაცია, რომელსაც ჩვენ არ გავაკონტროლებთ და არანაირი გარყვნილების ნორმალიზების მარში არ ჩატარდება. გაითვალისწინონ სახელმწიფომ და მაგ ორგანიზაციამ წინა გამოცდილება, ცოტა ტვინი გაანძრიონ და მიხვდნენ, რომ საქართველოში, თბილისის მთავარ პროსპექტზე გარყვნილების აღლუმი არ ჩატარდება. რაც მეტად გაჯიუტდებიან, მით უფრო ცუდი შედეგი დადგება”, – ნათქვამია მათ განცახდებაში.

 

ავიაბილეთები იაფად
იტვირთბა....

სხვა ამბები

ჩარკვიანი: შეიძლება თავი მოეჭრას ქვეყანას, დაიღუპოს მესამე პრეზიდენტი, ამას ისტორიულად ვერ გადაიტანს საქართველო

Keti Metskhvarishvili

ელისაშვილი: შეიძლება მივიდე არჩევნებზე და ორივე გადავხაზო

Keti Metskhvarishvili

სააკაშვილის პირადი ექიმი: კონსილიუმი იქნება ხვალ, უნდა გადაწყდეს, საჭირო იქნება თუ არა ჰოსპიტალიზაცია

გვარამია იმედზე: გადადი ნადეჟდავ საგანგებო რეჟიმზე, იფურთხე ზიზღი და სისხლი ქართულო ოცნებავ

Keti Metskhvarishvili

ხიდაშელი სააკაშვილზე: არ ვთვლი, რომ ის უდანაშაულოა და ციხეში არ უნდა იჯდეს

Keti Metskhvarishvili

სააკაშვილის მიმართვა საჯარო მოხელეებს: უარი თქვით ქართულ ოცნებაზე და აირჩიეთ სამშობლო

Keti Metskhvarishvili