თბილისის მერმა კახა კალაძემ განაცხადა, რომ პოლიტიკა ან ხელოვნება და სპორტი ერთმანეთში არ უნდა ავურიოთ.
“პოლიტიკა და სპორტი ერთმანეთში არავითარ შემთხვევაში არ უნდა ავურიოთ, რაც დამაზიანებელი იქნება იმ კონკრეტული სფეროებისთვის, სპორტისთვის, ხელოვნებისთვის. პოლიტიკა დავტოვოთ პოლიტიკის ნაწილში და სხვა დარგებმა მოახდინონ განვითარება”, – განაცხადა კახა კალაძემ.
როგორც ცნობილია, რუსთაველის თეატრის დასი რობერტ სტურუას ხელმძღვანელობით მოსკოვში, ანტონ ჩეხოვის ფესტივალზე მონაწილეობის მისაღებად მიემგზავრება.