პრეზიდენტმა რურუა შეიწყალა. ამის შესახებ პრეზიდენტი სოციალურ ქსელში წერს.
“მივესალმები შეთანხმების პირველი ეტაპის შესრულებას! ჩემი მხრივ შევასრულე ჩემი სიტყვა და ხელი მოვაწერე შეწყალების აქტს!
ვულოცავ კახა კუჭავას პარლამენტის თავმჯდომარედ არჩევას! ვულოცავ ყველა დეპუტატს, ვინც დღეს პირველად გამოიყენა ხალხის მიერ მინიჭებული მანდატი და შევიდა პარლამენტში!
ყველას გისურვებთ წარმატებას!”, – წერს ზურაბიშვილი.
19 აპრილს პრეზიდენტმა სალომე ზურაბიშვილმა განაცხადა, რომ თუ ოპოზიციასა და ხელისუფლებას შორის შეთანხმება შედგებოდა, რურუას შეიწყალებდა.
ევროპული საბჭოს პრეზიდენტის შარლ მიშელის ჩართულობით საბოლოოდ შეთანხმება შედგა და ოპოზიციის ნაწილი დღეს, 27 აპრილს პარლამენტში შევიდა.