საპარლამენტო უმრავლესობოს წევრი ანრი ოხანაშვილი სოციალურ ქსელში აქვეყნებს ევროპული საბჭოს პრეზიდენტის შარლ მიშელის მიერ პარტიებისთვის შეთავაზებული დოკუმენტიდან ამნისტიის შესახებ არსებულ ჩანაწერს.
ჩანაწერში ვკითხულობთ, რომ ამნისტია ეხება 2019 წლის 19-21 ივნისის პროტესტთანტებთან დაკავშირებულ ყველა დარღევასა და დაკავებას.
“საზოგადოების ინფორმირების მიზნით, გაცნობებთ, რომ 19 აპრილს, პოლიტიკური პარტიების მიერ ევროკავშირის დოკუმენტით – “სამომავლო გზა საქართველოსთვის” ნაკისრი ვალდებულებიდან გამომდინარე, იურიდიულ საკითხთა კომიტეტმა უკვე დაიწყო აქტიური მუშაობა ამნისტიის პროექტზე, რომელიც შეეხება “2019 წლის 19 – 21 ივნისის პროტესტებთან დაკავშირებულ ყველა დარღვევასა და დაკავებას”. მმართველი გუნდის ამოცანაა, ეს პროცესი შეყოვნების გარეშე წარიმართოს და 26-30 აპრილის პლენარული სხდომების კვირაში კანონპროექტის ინიცირება მოხდეს. კონსულტაციები იგეგმება იმ ოპოზიციურ პარტიებთან, რომლებმაც ხელი მოაწერეს შეთანხმებას”, – წერს ოხანაშვილი.