დღეს ჯანდაცვის სექტორის გადატვირთვის პრობლემა ნამდვილად არ დგას, მაგრამ თუ შემთხვევების ამგვარი მატება იქნება, ბუნებრივია, ჩვენ გვაქვს კოვიდ-კლინიკების გაფართოების გეგმა. დღევანდელი მდგომარეობით 4 500-მდე საწოლია მობილიზებული ჯანდაცვის სექტორში. აქედან 2 500-ზე მეტი უკვე დაკავებულია. 2 000-მდე არის თავისუფალი, მაგრამ თუ ასეთი ტენდენციით გაგრძელდა შემთხვევების მატება, რა თქმა უნდა, მეტი იქნება საჭირო. ამაზე მუშაობა მიდის
აღნიშნული განცხადება საქართველოს შრომის, ჯანმრთელობისა და სოციალური დაცვის მინისტრის მოადგილემ, თამარ გაბუნიამ იმუნიზაციის საბჭოს სხდომის დასრულების შემდეგ გააკეთა.