ოპოზიციის ერთ-ერთი ლიდერის, გიგი უგულავას თქმით, 15 მაისის აქცია ძალაშია და ამ კვირაში დაიწყებენ რეგიონებში გასვლას.
“ამ კვირაში დაიწყება რეგიონალური გასვლები. 15 მაისი ძალაშია, უნდა ვაჩვენოთ, რომ მოლაპარაკების პარალელურად, რა ტკივილიც აქვს საზოგადოებას, არსად წასულა, არსად გამქრალა, პირიქით, მატულობს, სულ უფრო და უფრო დამუხტული ხდება”, – ამბობს უგულავა.
დღეს ერთიანი ნაციონალური მოძრაობის ლიდერი ნიკანორ მელია, სასამართლომ პატიმრობაში დატოვა. ოპოზიციის ლიდერები ამ დაგაწყვეტილებას არასამართლიანსა და ივანიშვილის დაკვეთას უწოდებენ.