კანადელებმა ჩინეთში ბოთლით ჰაერის გაყიდვა დაიწყეს
როგორც სიენენი ავრცელებს, კანადური კომპანია ჩინეთში ბოთლებით ჰაერს ყიდის. კომპანია „სასიცოცხლო ჰაერი“ ამბობს, რომ პირველი პარტია 500 ცისტერნა სუფთა ჰაერის , რომელსაც მთებიდან იღებენ, ჩინეთში ორ კვირაში გაიყიდა.
ჰაერი 14-დან 20 დოლარამდე ღირს. ფასი დამოკიდებულია ბოთლის ზომაზე.
ჩინეთი ხშირად გახვეულია გამონაბოლქვის ნისლში, განსაკუთრებით ცივი ზამთრის თვებში, როდესაც როგორც კერძო ადამიანებს, ასევე ქარხნებს და კომპანიებს გათბობა აქვთ ჩართული. გასულ კვირას დაბინძურებული ჰაერის გამო სკოლებიც კი დაიხურა.
არ იქნებოდა ურიგო, თუკი ჩვენი ბიზნესმენები სერიოზულად დაფიქრდებოდნენ, მაგალითად სვანეთის, ან რაჭის ჰაერის ექსპორტზე ჩინეთში, რაც რა თქმა უნდა საკმაოდ დიდ წვლილს შეიტანდა ქართული ეკონომიკის წინსვლაში.