“ერის და ბერის წინაშე დამნაშავე ამისთვის პასუხს აგებს” – ვის მიმართავს ხათუნა ხოფერია

პარლამენტის ყოფილ  წევრი, ხათუნა ხოფერია ექსპრეზიდენტის ხელისუფლების დანაშაულებებზე ალაპარაკდა. მისი თქმით, მიხეილ სააკაშვილი დავით გარეჯის გაყიდვისთვის პასუხს აგებს და ვიდრე ეს არ მოხდება, „ნაციონალურ მოძრაობასთან“ ვერანაირი დიალოგი ვერ შედგება. ამის შესახებ მან მაკა ცინცაძის გადაცემაში განაცხადა.

„როდესაც ახალი ეროვნული იდეა გაჩნდება და საზოგადოების შერწყმის და ჩამოყალიბების პროცესი დაიწყება, ის ხუთასი ათასი ადამიანი, რომელმაც მხარი „ნაციონალურ მოძრაობას“ დაუჭირა, დაფიქრდება და ამ პროცესში შემოვა, მაგრამ „ნაციონალური მოძრაობის“ დამნაშავეები ამ პროცესში ვერ შემოვლენ. ესენი არიან ადამიანები, რომლებმაც დაკარგეს კოდორის ხეობა, ახალგორი და გაყიდეს დავით გარეჯი. როგორ შეიძლება, მათ საერთოდ დაველაპარაკოთ? ეს დამთავრებული ამბავია.

ის ერის და ბერის წინაშე დამანაშავე სააკაშვილი დავით გარეჯის გაყიდვისთვის პასუხს აგებს. ფინალი აი, ეს იქნება“, – განაცხადა ხოფერიამ.