ევროსაბჭოს წევრი დიპლომატთა ჯგუფი, საქართველოში განვითარებული მოვლენების შესახებ წერილს აქვეყნებს და მიმარათვს ევროსაბჭოს პრეზიდენტს, ჩარლზ მიჩელს, რომ სათანადო ყურადღება გამოიჩინოს პოლიტიკური პროცესების მიმართ
მათ ასევე უკიდურესი შეშფოთება გამოთქვეს ოპოზიციური პარტიის ლიდერის, ნიკა მელიას დაპატიმრების გამო. ხოლო მხარეებს რევანშზმისა და დაპირისპირებისგან თავის შეკავებისკენ მოუწოდეს.
განცხადებაში ასევე აღნიშნულია, რომ პოლარიზაციამ სახიფათო ზღვარს მიაღწია, რაც საფრთხეს უქმნის დემოკრატიული რეფორმების გაგრძლების გზას ევროპაში ინტეგრაციისაკენ.
ევროპარლამენტარები განცხადებით, დიალოგი უალტერნატივოა და სასწრაფოდ უნდა მოხდეს მოლაპარაკებების განახლება. ისინი იმედს გამოთქვამენ, რომ ევროსაბჭოს პრეზიდენტი სათანადო ძალისხმევას გამოიჩენს და დიალოგი განახლდება დაპირისპირებულ მხარეებს შორის.
ქვემოთ სრულად გთავაზობთ ევროპარლამენტარების მიერ გავრცელებულ განცხადებას.
“თქვენი უკიდურესად დროული ვიზიტის მოახლოებასთან ერთად, ჩვენ, ამ წერილის ხელმომწერი ევროპარლამენტარები, გწერთ, რათა გამოვხატოთ ჩვენი შეშფოთება ევროკავშირის ასოცირებულ აღმოსავლელ პარტნიორ ქვეყანაში სწრაფად გაუარესებულ პოლიტიკურ სიტუაციასთან დაკავშირებით.
როგორც 2020 წლის 16 სექტემბრის საქართველოს ევროკავშირთან ასოცირების შეთანხმების იმპლემენტირების ევროპარლამენტის რეზოლუციაში წერია, 2020 წლის ოქტომბრის საპარლამენტო არჩევნებს უნდა განემტკიცებინა საქართველოს დემოკრატიული ვალდებულებები.
ნაცვლად ამისა, არჩეული დეპუტატების ერთი მესამედი უარს ამბობს პარლამენტში შესვლაზე და არჩევნების გაყალბებაზე საუბრობს. ადგილობრივი არასამთავრობო ორგანიზაცია სამართლიანი არჩევნებისა და დემოკრატიის საერთაშორისო საზოგადოებამ (ISFED) აჩვენა 8%-იანი გადაცდომა საარჩევნო ოლქების პროტოკოლებში, ისევე როგორც სხვა საარჩევნო ხარვეზები.
23 თებერვალს ერთიანი ნაციონალური მოძრაობის ლიდერის ნიკა მელიას, დახურულ სივრცეში გაზის გამოყენებით, დაპატიმრების შემდეგ დაძაბულობა მმართველ ქართული ოცნების პარტიასა და ოპოზიციას უკიდურესად სახიფათო დონეს მიაღწია.
ევროკავშირი ვერ უგულებელყოფს სიტუაციას, რომელშიც ძალმომრეობა, რევანშიზმი და დაპირისპირების ზღვარზე ყოფნა ტენდენციად იქცა.
პოლიტიკური პოლარიზაცია და დაძაბულობა საფრთხეს უქმნის საზოგადოების და სახელმწიფოს სტაბილურობას, გარდა ამისა პოლიტიკური კრიზისი აჩენს რისკს, რომ საქართველო გადაუხვევს ევროკავშირთან ასოცირების შეთანხმების ფარგლებში რეფორმების გზიდან.
დაჟინებით მოგიწოდებთ, გამოიყენოთ თქვენი ვიზიტი საქართველო პოლიტიკური ძალების წასახალისებლად, რათა ეძიონ პარტიებს შორის დიალოგის დაუყოვნებლივი განახლების გზები, რომელიც უნდა დასრულდეს ურთიერთგაგების კონკრეტული მემორანდუმით, რომელიც ყურადღებას გაამახვილებს თანამშრომლობითი და ინკლუზიური პოლიტიკური გარემოს შექმნაზე საქართველოში.
ვნება და სისწრაფე, რომლითაც ქართული პოლიტიკური ელიტა ხელახლა ჩაერთვება პარტიათა შორის დიალოგში აისახება მათ განზრახვაზე, რომ ნამდვილობა მიანიჭონ საქართველოს გაცხადებულ ევროპულ მისწრაფებებს.
ჩვენ გვჯერა, რომ ამ პროცესში ქართულ სამოქალაქო საზოგადოებას შეუძლია, ჰქონდეს მნიშვნელოვანი პოზიტიური გავლენა. ამრიგად, ჩვენ მოგიწოდებთ, რომ ისინიც აქტიურად ჩართოთ თქვენი ვიზიტის ფარგლებში.
ჩვენ თქვენი იმედი გვაქვს, რომ გადასცემთ ამ გზავნილს ჩვენს პარტნიორებს და დაარწმუნებთ მათ ევროკავშირის უდრეკ მხარდაჭერაში ქართველი ხალხის უსაფრთხო და კეთილდღეობით სავსე მომავლისთვის. ჩვენი უფლებამოსილებების ფარგლებში, ჩვენ მზად ვართ, რომ კიდევ უფრო ხელი შევუწყოთ მედიაციის ძალისხმევას, რომელსაც აქამდეც დაუღალავად ახორციელებს ევროპის კავშირის დელეგაცია საქართველოში და სხვა დიპლომატიური წარმომადგენლები.” – წერენ ევროპარლამეტარები წერილში.
განცხადებას ხელს აწერს, ევროპარლამენტის ორი წევრი ლიეტუვადან, პეტრას აუსტრევიჩიუსი და ანდრიუს კუბილიუსი. ორი გერმანელი წევრი: ვიოლა ვონ კრამონ-ტაუბადელი და მაიკლ გალერი. მარკეტა გრეგოროვა ჩეხეთის წარმომადგენელი და ვიტოლდ იან ვაზჟიკოვსკი პოლონეთიდან.
იხილეთ ორიგინალი წერილის ფოტო:
