დერმატო-ვენეროლოგი, ზაზა თელია სოციალურ ქსელში მიმართვას ავრცელებს, სადაც მოსახლეობას მოუწოდებს, რომ D ვიტამინი საპროფილაქტიკო მიზნით არ გამოიყენონ.
“მეტრონომი” ექიმის “ფეისბუქ” მიმართვას უცვლელად გთავაზობთ.
„პაციენტი – ახალგაზრდა ქალმა ოჯახის ექიმის დანიშნულებით 2-ჯერ მიიღო D ვიტამინი „საპროფილაქტიკოდ“ – 50 000 IU (ერთეული), ანალიზი გარეშე, ამ პერიოდში წაგადგებაო… (მამონტის დოზა, დღიური მისაღები ნორმაა 600-800IU)
პაციენტს დაეწყო მწვავე ურტიკარია (ჭინჭრის ციება)
რა უნდა ვთქვა უკვე აღარ ვიცი, ეს ვერანაირ კრიტიკას ვეღარ უძლებს.
კიდევ ერთხელ!
D ვიტამინი საპროფილაქტიკო მიზნით არ ინიშნება, მხოლოდდამხოლოდ 2 წლამდეა მისი მიღება რეკომენდებული რაქიტის პრევენციის მიზნით.
არ არსებობს რეკომენდაცია დაფუძნებული მაღალი ხარისხის სამეცნიერო მტკიცებულებებზე, რომ D ვიტამინი უნდა დაინიშნოს პროფილაქტიკის მიზნით თუ ლაბორატორიულად არ არის დადასტურებული მისი ნაკლებობა (>20ნგ/მლ – ნორმა).
დაანებეთ თავი ამ „მახინჯ მოდას“, ამით პაციენტს სარგებელი არ ექნება და პოტენციურად შეიძლება ავნოთ.
D ვიტამინის მოჭარბებამ ორგანიზმში შეიძლება გამოიწვიოს – ტოქსიკოზი, ურტიკარია, ჰიპერკალცემია, თირკმელებში კენჭები, სისხლძარღვებში კალციფიკატები, კუნთების ტკივილი, დაღლილობა და ასე შემდეგ“, – წერს ექიმი.