ასპინძაში, სოფელ ტოლოშის მიმდებარე ტერიტორიაზე მომხდარ ავტოავარიას ხანში შესული ქალის სიცოცხლე ემსხვერპლა.
არსებული ინფორმაციით, ქალი ავტომობილი დაეჯახა, რის შემდეგაც ის ადგილზე გარდაიცვალა.
შსს ინფორმაციით კი მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც მოძრაობის უსაფრთხოების და ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია და ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.