იაპონიაში კორონავირუსის კიდევ ერთი ახალი შტამი აღმოაჩინეს. ამის შესახებ ადგილობრივი მედია ქვეყნის ჯანდაცვის სამინისტროზე დაყრდნობით წერს. მათივე ცნობით, ახალი შტამი, რომელიც ნაწილობრივ მსგავსია დიდ ბრიტანეთსა და სამხრეთ აფრიკაში აღმოჩენილ ვარიანტებისაა, ბრაზილიიდან დაბრუნებულ მგზავრებს შორის აღმოაჩინეს.
იაპონიის ინფექციურ დაავადებათა ეროვნული ინსტიტუტის ცნობით, ამჟამად არანაირი მტკიცებულება არ არსებობს იმისა, თუ რამდენად გადამდებია ვირუსის ახალი შტამი, ცნობილია მხოლოდ მისი გენეტიკური შემადგენლობა.