“უნდა აღიარონ, რომ მათი თავმჯდომარე და საპრეზიდენტო კანდიდატი გრიგოლ ვაშაძე რუსეთის კაცია, ან უნდა აღიარონ, რომ რუსეთში ამ მასშტაბის დემოკრატიაა,” – ამის შესახებ “ქართული ოცნების” პიარტექნოლოგი, ლაშა ნაცვლიშვილი სოციალურ ქსელში წერს.
ნაცვლიშვილი აღნიშნული პოსტით, ქართველი პრომაბალერიანას, ნინო ანანიაშვილის, რუსეთში, ქალაქ ნოვოსიბირსკის საბალეტო დასის ხელმძღვანელის თანამდებობაზე დანიშვნის საკითხს გამოეხმაურა.
“ნინო ანანიაშვილის სიბირიადამ ნაცები უფრო მნიშვნელოვანი დილემის წინაშე დააყენა, ვიდრე წარმოუდგენიათ. მათ მოუწევთ, ცუდს და უარესს შორის გააკეთონ არჩევანი: ან უნდა აღიარონ, რომ მათი თავმჯდომარე და საპრეზიდენტო კანდიდატი გრიგოლ ვაშაძე რუსეთის კაცია, ან უნდა აღიარონ, რომ რუსეთში იმ მასშტაბის დემოკრატიაა, ძერჟავასთან მებრძოლი ქართველი პატრიოტის ცოლს თეატრის სამხატვრო ხელმძღვანელად ნიშნავენ და რომ კლასიკოსის გამონათქვამი: “ШИРОК РУССКИЙ ЧЕЛОВЕК” პუტინზეც ვრცელდება, რადგან კლასიკური (ბალეტის არ იყოს) ლოგიკის მთავარი კანონის საფუძველზე მათ მიერვე სხვებისთვის სპეკულაციურად დადგენილ მორალური კოორდინატების სისტემაში “მესამე გამორიცხულია”. – წერს ლაშა ნაცვლიშვილი.
შეგახსენებთ, ნინო ანანიაშვილი რუსეთში, ქალაქ ნოვოსიბირსკის საბალეტო დასის ხელმძღვანელის თანამდებობაზე დაინიშნა.