“მიუხედავად უმძიმესი მდგომარეობისა, ექიმს ჯიუტად სჯეროდა, რომ აუცილებლად გადაარჩენდა” – ლევან რატიანმა უმძიმესი პაციენტი გადაარჩინა

სოციალური ქსელში ერთ-ერთი მომხმარებელი, ბელა საღინაძე წერს, რომ პირველი საუნივერსიტეტო კლინიკის დირექტორმა, ლევან რატიანმა უმძიმეს მდგომარეობაში მყოფი კოვიდინფიცირებული ორსული გადაარჩინა.

როგორც ბელა საღინაძე წერს, კოვიდინფიცირებული ფეხმძიმის მდგომარეობა კრიტიკული იყო, თუმცა ლევან რატიანს პაციენტის გადარჩენის იმედი არ დაუკარგავს.

“მეტრონომი” სოციალური ქსელის მომხმარებელის “ფეისბუქ” მიმართვას უცვლელად გთავაზობთ.

,,შობის ღამეს მართლა ხდება სასწაულები და მას უფლისგან მოგზავნილი ანგელოზები ახდენენ… ირგვლივ ყველაფერს ჯადოსნური ძალა აქვს, რაღაცას ელოდები უსაშველოდ ამაღლებულს და უდიადესს… ახლა გული ისე გამალებით მიცემს, ლამისაა ამოვარდეს საგულედან… სასწაულია, აბა რა არის ეს შობის ღამე ქუთაისელი ნინოსა და მისი ოჯახისთვის! სულ რამდენიმე საათიც და ნინო თავის შვილიკოებს დაუბრუნდება და ჩაეხუტება… სულ ცოტაც და ნინოს დედიკო მეორედ დაბადებულ შვილს ჩაიკრავს გულში….

ვიცი, რომ ძალიან ბევრი ლოცულობდით ნინოსთვის და გულშემატკივრობდით. ნინო მეორედ დაიბადა უფლისა და ლევან ექიმის წყალობით! ხო, ლევან ექიმია შობის და ქრისტეს მახარობელი ამ ნინოსთვის და ვინ დათვლის კიდევ რამდენი ნინოსთვის… მიუხედავად უმძიმესი მდგომარეობისა, ექიმს ჯიუტად სჯეროდა, რომ აუცილებლად გადაარჩენდა… და აჰა, კიდევ ერთი ახალგაზრდა დედა მონატრებულ შვილებს, დედას კი შვილი დაუბრუნა, შვილი…. მადლობა უფალს, რომ მეც გამხადა ამ საოცარი სიხარულის თანამონაწილე და თანაზიარი…

არ ვიცი, ვერ ვაგნებ რა ჯილდო ეკუთვნის ლევან რატიანს ასეთი უზარმაზარი პასუხიმგებლობის, პროფესიონალიზმისა და ადამიანობისთვის!

მართლა რამხელა მისიით დაუბადებია უფალს?!…აჩუქო ადამიანებს სიცოცხლე, შვილებს- დედა, დედას -შვილი ამაზე დიდი მართლაც არაფერი არსებობს ამ ქვეყნად… მართლა მიკვირს და თან რანაირად უნდა მოახერხო თეთრადგათენებული ღამეების მიუხედავად სატელეფონო ზარებს უპასუხო და უზარმაზარი იმედი მისცე ადამიანებს! აი, ამიტომ ლევან რატიანი არის ჩემი წლის ადამიანი!.. ცისხელაათქო და არაა – ცაზე მაღალი ყოფილხარ! მრავალ ქრისტეშობას, ქრისტეს მახარობელო!”, – წერს ბელა საღინაძე სოციალურ ქსელში.