“შევდივარ პარლამენტში იმიტომ, რომ ასე ვთვლი საჭიროდ. თანხმობას ხელი ცესკოში მოვაწერე იმაზე, რომ პარლამენტში რიგითობის მიხედვით შევიდე. ამის შემდეგ კი, საკანონმდებლო ორგანომ უნდა ცნოს ჩემი რიგითობა. ვიცი, რომ ჩემს აზრს ძალიან ბევრი მოქალაქე იზიარებს, მე თვითონ ასე ვარ დარწმუნებული. მე, როგორც ჩემი ქვეყნის მოქალაქე ვთვლი, რომ ქვეყნის მართვის ოპონირების გარეშე დატოვება არ შეიძლება.”
დავით ზილფიმიანი – „პატრიოტთა ალიანსის” წევრი.
ამის შესახებ “კურიერს” განუცხადა.
„პატრიოტთა ალიანსის” სიის პირველი სამეულის ადგილმონაცვლეების ნაწილის გადაწყვეტილება, პარლამენტში შესვლის თაობაზე, ჯერჯერობით უცნობია. თუმცა, ცნობილია, რომ დავით ზილფიმიანი სურვილს გამოთქვამს საკანონმდებლო ორგანოში შესვლაზე და მან ამ მოთხოვნით ცესკოს უკვე მიმართა.