თურქეთში საქართველოს მოქალაქეები პროსტიტუციის ბრალდებით დააკავეს. გავრცელებული ინფორმაციით, თურქეთის ქალაქ რიზეში პროსტიტუციის ბრალდებით საქართველოს ექვსი მოქალაქე დააკავს. ტრაპიზონში საქართველოს ვიცე-კონსულმა მანანა ბერიაშვილმა ტელეკომპანია „რუსთავი 2“-ისთვის მიცემულ სატელეფონო ინტერვიუში დაადასტურა ეს ინფორმაცია.
„ოფიციალური შეტყობინება დაკავაბულთა და დეპორტირებულთა შესახებ არ შემოსულა, თუმცა სატელეფონო საუბარში დაგვიდასტურეს, რომ საქართველოს სამი მოქალაქის დეპორტაცია, რომლებიც პროსტიტუციაში არიან ბრალდებული, უკვე განხორციელდა.“ – აცხადებს ბერიაშვილი.
თურქული სააგენტოების ინფორმაციით, საქართველოს მოქალაქეები პოლიციამ სასტუმროებისა და ღამის კლუბების რეიდის დროს დააკავეს.