ქარელში, რუსთაველის ქუჩაზე მდებარე ბინაში, ორი ახალგაზრდა მამაკაცი გარდაცვლილი იპოვეს, ერთი კი უგონო მდგომარეობაში.
ექიმების განცხადებით, მისი მდგომარეობა მძიმეა.
როგორც შსს-ში განმარტავენ, მომხდარზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
გარდაცვალების ზუსტი მიზეზი ჯერჯერობით უცნობია, თუმცა სავარაუდო მიზეზად ბუნებრივი აირის გაჟონვა სახელდება.