საგანგებო სიტუაციების მართვის სამსახურის ინფორმაციით, თბილისში, ხორავას ქუჩაზე მდებარე საცხოვრებელ სახლში ხანძრის შედეგად ორი ადამიანი დაიღუპა. მათივე ცნობით, ხანძრის შედეგად დამწვარია სამსართულიანი კორპუსის მეორე სართული.
ადგილზე შვიდი სახანძრო სამაშველო ჯგუფია მობილიზებული. ხანძარი ლოკალიზებულია და მიმდინარეობს სალიკვიდაციო სამუშაოები. ხანძრის გამომწვევი მიზეზები უცნობია.