“ვიღაცისგან წიხლი არ არის საწყენიო, ასე შევუთვლი, რაც მან იკადრა ჩემ მიმართ,” – აღნიშნული განცხადება დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ მთავარის” გენერალური დირექტორის, ნიკა გვარამიას მიერ გაკეთებულ განცხადების საპასუხოდ გააკეთა.
ამასთან, გამყრელიძემ მედიასთან საუბრისას დასძინა, რომ ექიმები პოლიტიკაში არ ერევიან.
“იცის ამ არხის დირექტორმა, რომ არ ვეხები მას. ერთ უბრალო ანდაზას ვიხმარ, ვიღაცისგან წიხლიო, არ არისო საწყენიო, აღარ დავაკონკრეტებ. აი ასე შევუთვლი დღეს.
გუშინ, რაც ბატონმა გვარამიამ პირადად ჩემდამი იკადრა, მე მას პასუხს არ ვცემ. სულ ცდილობენ, რომ პოლიტიკურ პროცესში ჩამითრიონ, არა ბატონებო, მე აპოლიტიკური პიროვნება ვარ. გუშინ დასმული იყო კითხვა ჩემდამი პოლიტიკური ქვეტექსტით, რა უნდა მექნა, არ გავეცი პასუხი, მერე ძალიან ცუდი განმარტებები გააკეთა. იცის, ამ არხის დირექტორმა, რომ არ ვეხები მე მას” – განაცხადა გამყრელიძემ.
შეგახსენებთ, რომ გუშინ, “მთავარის” გენერალური დირექტორმა, ნიკა გვარამიამ აქციის დაშლისას წყლის ჭავლის გამოყენების შესახებ, განცხადება სოციალურ ქსელში გააკეთა.