“ნაციონალური მოძრაობის” ერთ-ერთმა ლიდერმა ნიკა მელიამ და მოძრაობა “მოქალაქეებისთვის” ლიდერმა ალეკო ელისაშვილი ცესკოსთან მიმდინარე აქციაზე მომიტინგეებს დაშლისკენ მოუწოდეს, რომ რომ გაერიდონ პერიმეტრს. ამასთან, მათ განაცხადეს, რომ ქართველ ერს ხვალ 18:00 საათზე პარლამენტის წინ ელოდებიან.
ცენტრალურ საარჩევნო კომისიის შენობასთან წყლის ჭავლი უკვე მეორედ გაუშვეს. ადგილზე ვითარება უკიდურესად დაიძაბა. ეს მოხდა მას შემდეგ რაც აქციის მონაწილეებმა ცესკოს დამცავი ჯებირის გარღვევა სცადეს.
საპროტესტო აქციის მონაწილეები ცენტრალური საარჩევნო კომისიის შენობასთან ღობის გარღვევას ცდილობენ. ისინი პოლიციას წინააღმდეგობას უწევენ, სამართალდამცველები კი ხალხის წინააღმდეგ ძალას და წყლის ჭავლს იყენებენ.
ოპოზიციამ ხელისუფლებას ულტიმატუმი წაუყენა, რომ უნდა გადადგეს თამარ ჟვანია და საპარლამენტო არჩევნები ხელახლა ჩატარდეს. ვადა 20:00 საათზე ამოიწურა. ამის შემდეგ, აქციის მონაწიელეები ცენტრალური საარჩევნო კომისიის შენობისკენ გაემართნენ.
შეგახსენებთ, რომ დღეს, ოპოზიცია პარლამენტის წინ აქციას მართავს. ისინი მეათე მოწვევის საპარლამენტო არჩევნების ლეგიტიმურობას ეჭქვეშ აყენებენ და მმართველ გუნდს უნდობლობას უცხადებენ.