ქუთაისის ინფექციურ საავადმყოფოში კორონავირუსის დიაგნოზით 102 წლის მოხუცი მკურნალობს, რომელიც ხანდაზმულთა სახლში დაინფიცირდა. როგორც კლინიკის სამედიცინო დირექტორმა, ნოდარ მაღლაფერიძემ თქვა, მოხუცის მდგომარეობა სტაბილურია.
ამასთან, ნოდარ მაღლაფერიძის თქმით, კლინიკაში კოვიდინფიცირებული 1 და 2 თვის ჩვილებიც მკურნალობენ.
“ამ ეტაპზე კლინიკაში გვყავს 76 პაციენტი, მათ შორის ათ პაციენტს ახალი დაწყებული აქვს მკურნალობა. ოთხის მდგომარეობა კრიტიკულია და ისინი მართვით სუნთქვაზე იმყფოებიან. თერთმეტი პაციენტის მდგომარეობა მძიმეა, დანარჩენების – საშუალო” – თქვა მაღლაფერიძემ.