აშშ-ში, ლუიზიანას შტატში, დააკავეს 11 წლის ბიჭი, რომელმაც სკოლის ავტობუსი გაიტაცა – ამის შესახებ ინფორმაციას NBC News ავრცელებს.
როგორც მედიასაშუალება სამართალდამცველებზე დაყრდნობით წერს, ბავშვი პოლიციას 45 წუთის 
განმავლობაში გაურბოდა, მანამ, სანამ ხეს არ შეეჯახა.
პოლიციამ შეტყობინება 11 ოქტომბერს, 10:45 საათზე მიიღო, მის შეჩერებას კი მრავალი დანაყოფი ცდილობდა. სამართლადამცველები ამბობენ, რომ ბავშვი პოლიციელებს დასცინოდა და გზად სხვა მანქანებს განზრახ ეჯახებოდა.
აღსანიშნავია, რომ მოზარდი უვნებლად გადარჩა, თუმცა სხვა მანქანებთან შეჯახებისას ერთ-ერთი მძღოლი დაშავდა.