სავაჭრო ცენტრ “თბილისი ცენტრალის” დაკეტვის მიზეზი სადეზინფექციო სამუშაოების ჩატარებაა. ამის შესახებ ინფორმაციას თავად სავაჭრო ცენტი ავრცელებს. ცენტრის ადმინისტრაციის ცნობით, სავაჭრო ობიექტი დღეს დაიკეტა და 12 ოქტომბერს, 09:00 საათზე გაიხსნება.
,,ძვირფასო მომხმარებლებო! გვინდა გაცნობოთ, რომ დღეს 9 ოქტომბერს, 12-13 საათიდან, სავალდებულოა, ჩატარდეს სავაჭრო ცენტრში სრული სადეზინფექციო სამუშაოები, რომელიც მოითხოვს ცენტრის ყველა სავაჭრო ობიექტის დახურვას, ვაჭრობის და სამუშაოების დროებით შეჩერებას” – აღნიშნულია ინფორმაციაში.
ცნობისთვის, რამდენიმე დღის წინ “თბილისი ცენტრალში” განთავსებული “ოქროს ბირჟის” 5 თანამშრომელს კორონავირუსი დაუდასტურდა, რის გამოც “ოქროს ბირჟის” თანამშრომლები თვითიზოლაციაში გადავიდნენ.